Бөлүмдөр
Шейшемби, 13-ноябрь
Баткен облусу, Кадамжай 20.06.2018 17:35

Видео — «Кадамжай» коомунун кезектеги кайрымдуулук акциясы өттү

Turmush -  12-июнда «Кадамжай» коому өзүнүн кезектеги акциясын Кадамжай шаарында өткөрдү. Акциянын алкагында район аймагындагы айыл өкмөттөрдөгү жана 2 шаардагы аз камсыз болгон үй-бүлөлөргө 345 кайрымдуулук баштыкчалары таркатылды. Кайрымдуулук баштыкчаларынын ичинде азык-түлүктүн 12 түрү салынган.

Мындан сырткары Кадамжай районунун аймагындагы ар бир айыл өкмөттөгү 45 «Баатыр энеге» сый тамак уюштурулуп, баалуу белектер менен бирдикте кайрымдуулук баштыкчалары да таратылды. Бул иш-чарага коомдун тең төрагалары Имамидин Ташов, Абдувалим Нишанов, коомдун аксакалдарынын бири Исмаил Масеитов, коомдун Бишкектеги жана Кадамжай районундагы мүчөлөрү, райондук жана шаардык бийлик өкүлдөрү катышты. Салтка айланган мындай иш-чараларды «Кадамжай» коому мындан ары системалуу түрдө улантат.

Буга чейин 9-май – Улуу Жеңиш күнүнүн урматына да «Кадамжай» коомунун коомдун президенти Имамидин Ташов баштаган топ келди. Анда райондогу 4 согуш ардагери менен жолугуп, ар бирине акчалай жардам жана азык-түлүк таратылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×